Cyfres Beirdd yr Uchelwyr: Gwaith Gruffudd Ap Maredudd III

Dyma'r olaf o dair cyfrol o waith Gruffudd ap Maredudd ap Dafydd, y Gogynfardd diweddar o Fôn a ganai yn ail hanner y bedwaredd ganrif ar ddeg . Cynhwysir yma gerddi amrywiol iawn sy'n adlewyrchu rhychwant eang o bynciau. Ceir cerdd genedlaetholgar i Owain Lawgoch, marwnad i Syr Hywel Fwyall; cerddi i ferched a mwy. Ceir geirfa gyflawn yn ogystal.